Tanzania ni miongoni mwa nchi zilizofanikiwa kuwapa watoto elimu ya msingi duniani.

Umoja wa Mataifa umesema ni nusu tu ya nchi duniani zimeweza kuwapatia watoto elimu ya msingi. Katika utafiti huo uliofanywa na shirika la Umoja wa Mataifa linaloshughulikia Elimu, Sayansi na Utamaduni (UNESCO), nchi zilizosifiwa kufikia lengo la elimu yamsingi ni pamoja na Rwanda,Tanzania, Siera Leon, Afganstan na Nepali. India imepata mafanikio makubwa sana kwa mujibu wa ripoti hiyo mpya ya UNESCO kuhusu elimu duniani.

Mwaka 2000 kulikuwa na watoto milioni 19 ambao hawako shuleni nchini India, lakini idadi hiyo imepungua sana na kufikia milioni moja tu, hata hivyo nci hiyo bado inakabiliwa na changamoto kubwa katika mfumo wake wa elimu. Katika shule nyingi za serikali katika mji mkongwe wa Delhi, watoto wengi wanatoka katika familia masikini ambapo wanapata kila kitu shuleni kama vile sare za shule, daftari na vitabu, lakini pia hawalipi ada za shule. Watoto wengi wa India kwa sasa wanakwenda shule, lakini wale walio wakubwa hawana budi kutimiza shauku yao ya kusoma na pia kusaidia familia zao mahitaji. Watoto wengi wanakwenda shule asubuhi na kwenda kazini jioni katika viwanda vidogo vidogo, wanasema ikiwa hawatafanya hivyo, basi familia zao hazitakuwa na fedha za kununulia chakula. India imepeleka watoto wengi sana shule, lakini changamoto yao kubwa ni kuwafanya watoto hao wabaki shule.