MANNY PACQUIAO: JERAHA LANGU BEGANI NDILO LILILOSABABIHSA KUPOTEZA MCHEZO WANGU DHIDI YA FLOYD MAYWEATHER. FLOYD AWEKA BAYANA SIRI YA USHINDI.

Manny Pacquiao alaumu jeraha la bega alilokuwa nalo kwamba ndicho chanzo cha kupoteza mchezo wake hap oleo alfajiri, dhidi ya mpinzani wake Floyd Mayweather lililofanyika katika uwanja wa Metro Goldlwyn Mayer (MGM) Grand, mjini Las Vegas nchini Marekani.

Pacquiao amelaumu kwamba jeraha hilo lilisababisha asitumie mkono wa kulia.

Mmarekani Mayweather ,(38) alimchakaza mpinzani wake kutoka Ufilipino katika uwanja wa MGM Grand na kutunukiwa kwa kuwa na maamuzi mapana ya umoja.

Pacquiao (36), alisema alifikiri alijiandaa vyema kushinda pambano hilo, ingawa watazamaji wengi walikubaliana (kuridhika) na na uamuzi.

“Majuma matatu kabla ya pambano hili niliumia bega la mkono wangu wa kulia” alisema Pacquiao. “Lilipona lakini haikuwa kwa asilimia mia moja”.

Mayaweather alianza kung’ara kuanzia raundi ya pili, na kumvurumishia Pacquiao makonde mazito kupitia upande wake wa kulia.

Mfilipino huyo alirudi tena katika raundi ya nne na kumchapa Mmarekani huyo , Mayweather  kupitia mkono wake wa kushoto, na pia katika raundi ya sita, lakini bado ‘hakufua dafu’ mbele ya Mmarekani huyo, kumelekea kuibuka kidedea katika mpambano huo wa aina yake. Kama inayoonekana hapa chini.

	Mayweather	Pacquiao
Punches throws	435	429
Punches landed	148	81
Jabs thrown	267	193
Jabs landed	67	18

Pacquiao alisema alitaka kuchomwa sindano katika bega lake kabla ya pambano hilo lakini Kamati ya inayomsimamia ya Nevada Athletic ikakataa.

Promota wa Pacquiao, Bob Arum, alilalamika kwamba aliitaarifu kamati hiyo ya Nevada juu ya jeraha hilo siku tano zilizopita kabla ya mchezo, na kusema haiwezekani kuahirisha mchezo huo, na kudai ni jambo la kawaida katika historia ya masumbwi.

“Mpambanaji siku zote hupigana kwa kuumia na tulifikiri kazi iliyokuwa imefanyika katika bega hilo wakati wa mazoezi ingeweza kumsaidia kuutumia mkono wake huo wa kulia” alisema Arum.

Mwenyekiti wa kamati hiyo Francisco Aguilar alisema kwanza alijua jeraha hilo masaa mawili kabla ya mpambano, wakati kambi ya Pacquiao walipoomba kuachiwa nafasi ya daktari upande wao, ombi lililokataliwa.

Wakati huo Mayweather, alisema alikuwa na majeraha katika mikono yake yote na viganja.

“kama angeibuka mshindi, ningemuonesha heshima, na kusema alikuwa ni mtu makini” alisema baada ya kuongeza makanda wa Pacquiao wa WBO katika mikanda ya WBC na WBA aliyokuwa akiimiliki.

Mayweather, Bingwa wa dunia wa uzito wa tano, pia aliwakosoa waliokuwa wana wasiwasi juu yake, nakusema kwamba amewafanya ‘wale maneno yao’.

“Kwa miaka mingi kila mmoja amekuwa akisema kwamba nlikuwa naogopa na na ningepoteza ambano hili”, alisema Mayweather, amabye hajawahi kupigwa katika mapambano ya kimataifa 48, kwa miaka 19 ya nyuma.

“Nimewafanya wasioamini kuamini. Nilikuwa mtu bora, mpiganaji makini – umakini zaidi na, uvumilivu zaidi. Alikuwa akitumia paniki lakini hakufanikiwa kunfikisha ngumi  nyingi na nimekuwa nikimchapa barabara usoni kwake”.

MAONI YA WAKONGWE……

Bingwa wa dunia wa uzito wa sita, Oscar De La Hayo: “Niite ‘shule-ya-zamani’ napenda mashabiki wanaopata thamani ya pesa zao kwa kutazama mpambano uliosheheni viteendo. Siko katika masumbwi  ya kukimbia kimbia. Nahisi Kama vile naruka ruka kutoka kwenye kiti kutokana na mpamabano ulivyokuwa na raha.”

Bingwa wa dunia wa zamani wa ngumi za uzito juu, Lennox Lewis: “Watu wengine hutaka damu na kukatishwa tamaa pale wanapoikosa. Hatuwezi kuondokana na ukweli kwamba Floyd ni fundi.”

Mayweather, amabye  alisema aliwasilishiwa  cheque  ya Dollar za Marekani Millioni 100 katika chumba chake cha kuvalia nguo baada ya pambano, pia amedhihirisha kwamba amepanga kwa kupenda kwake kuiachia heshima na kwamba mchezo wake wa mwisho wa Septemba hautakuwa waa ubingwa.

Alipoulizwa juu ya kama mchezo wake wa mwisho ni dhidi ya Mbritania Amir  Khan, Mayweather lijibu: “Sijalifikiria hilo. Ninachotaka kukifanya sasa ni kurudi kupumzika nyumabani”

Baba yake Mayweather ambaye pia ni mwalimu wake, Floyd Sr, aliwakosoa waliokuwa hawaamini kabla na baada ya pambano.

“ Analipa gharama kwa kuwa mwema na kuwa mzuri zaidi. Wakati kijana huyu alikuwa akirusha ngumi na kuzikwepa, watu wakaiita hiyo kuwa ni kero.

“Hawajui masumbwi, hilo ndilo tatizo”.

      Beyonce na Jay-Z nao walihudhuria kushuhudia mpambano.

Bomba.Com